METEO...e non solo

si ride con CIPRIANO...e le sue simpatiche riflessioni.. questa volta in dialetto napoletano e con la voglia di una vacanza silenziosa "ncop a n'isola...

A' 'villeggiatura

M'hanno purtato a' villeggiatura.
'A famiglia mia s'è misa 'ncapa
ca me fa bene 'nu poco 'e riposo.
E pò: vide, m'hanno ditto,
comme te torna 'a voglia 'e campà.
Tutte 'nzieme dinto a 'na machina,
'ncopp a n'isola simmo sbarcate: overo
'o silenzio m'ha fatto impressione.
Senza penziere, senza problemi,
senza me mettere a cuntà cchiù 'e solde
si m'abbastano e l'anne ca passano
e manco 'a forza e l'acchiappà.
Tutte 'nzieme dint 'a nuttata,
miezz 'o silenzio, ncopp'a durmuto,
marito e moglie se sò azzuffate: "Hai fatto chesto...
hai fatto chello... io quando sento chesto e chello
già 'e cervelle se sò abbruciate.
Io... tu... isso... essa... mammeta, patete
'e corn ca ' tiene, 'o marito... 'a nnammurata...
'o pate... 'o figlio...  'a mantenuta.
Guardate quanta gente dinto 'a nuttata
se so ' fidate d'annummenà!

Zitto zitto, 'a poco 'a vota, piccirillo piccirillo
me sò miso sotto 'a cuperta, me sò chiuso
dinto 'o lietto, me sò stutato dinto 'o scuro.
Meglio sta' quieto, mentre tutte ll'ate se sbattono,
io me voglio solo arrepusà
e nun voglio sapè niente.
Sarrà' na villeggiatura curiosa, ma meglio accssì.
Pe' mme sarà assaje meglio si va accussì.
'Ncoppo 'all'isola 'a matina 'a dint o lietto
nun so' asciuto: "vedite vuie, penzate vuie,
facite vuie. Po' me dicite senza fretta,
senza ammuina, senza iattura
quand fenisce 'sta villeggaitura"

Voglio dormire!- Don Backy

Annamaria... a dopo