NASCIU UN PICCIRIDDU di S:Migliore

Ecco un'altra bella poesia ,sempre in dialetto siculo (con traduzione), di S. Migliore 

NASCIU UN PICCIRIDDU

 

Era l’ottu aprili di lù duemila e novi
Esattamente i sidici e vintinove
Quannu tu nascisti
Ccù ddà facciuzza bedda
E ddà vuccuzza duci
E ccù l’ucchiuzzi ancora chiusi.

E quanta tinirizza
Quannu ppì la prima vota mi taliàsti
Ccù l’occhi du coluri di lu mari.
E quanta cuntintizza
Quannu ppì la prima vota mi parrasti
Ngù…..ngò…..ngà……
Cù sa cchì mi vulevi diri ?

Ti giravi la tistuzza
Di ccà e di ddà
Ppì scopriri li novità
Di stà vita nova
Ca ora ti trovasti.
Cachi…….dormi…… e manci….
E ridi puru quannu cianci……

Ridi ccù dda vuccuzza duci
E ccù dd’occhiuzzi coluri di lu mari.
E ridunu tutti contenti
Ppì sta vita nova cà nascìù
Ridi tò matri…..ridi tò patri
Ridi cu t’incontra
E ridi tuttu lu munnu.

Ma si pienzu a n’autri quattro iorna
Quannu Iù nun ci sugnu cchiù
Mi veni di cianciri
Cù ci penza cchiù ppì stu picciriddu
Cà tanta gioia e tantu amuri
Purtò ntà lu mè cori e ntà lu cori di so matri
Cu ci penza cciù ppì a sta criatura
Quannu so Patri …….mori.

Traduzione

 

E' NATO UN BAMBINO
Era l’otto aprile del duemila e nove
Esattamente le sedici e ventinove
Quando tu sei nato
Con quella faccina bella
E con quella boccuccia dolce
E con gli occhietti ancora chiusi.
E quanta tenerezza
Quando per la prima volta mi guardasti
Con gli occhi del colore del mare
E quanta contentezza
Quando per la prima volta mi parlasti
Ngù…. Ngò….. ngà….
Chissà cosa mi volevi dire ?
Ti giravi la testolina
Di qua e di là
Per scoprire le novità
Di questa vita nuova
Che ora ti sei trovato.
Fai la cacca …….dormi…… e mangi….
E ridi pure quando piangi……
Ridi con quella boccuccia dolce
E con quegli occhietti colore del mare
E ridono tutti contenti
Per questa vita nuova che è nata
Ride tua Madre…..ride Tuo Padre….
Ride chi  t’incontra
E ride tutto il mondo.
Ma se penso a qualche altro giorno
Quando io non ci sarò più
Mi viene da piangere
Chi ci pensa più a questo piccolino
Che tanta gioia e tanto amore
Portò dentro il mio cuore  e nel cuore di sua Madre
Chi ci pensa più per questa creatura
Quando suo Padre . …….muore.