AMURI SENZA AMURI

Oggi vi vogghiu cuntari di lu me passatu
Na storia d’amuri cà m’ha sempri turmintatu.
Na storia tristi di nu ricordu ormai sfocatu,
Di lu me cori sempri nnamuratu…

Successi quannu avia vint’anni
Quannu era giovani spinsieratu e senza affanni
E cridia ca i dulura eranu sulu ppì li Granni.
Finu a quannu però, m’innamurai di ddi mutanni…

Era bedda, sciacquata, eleganti
Avia na facciuzza pulita e nnuccenti
Na vuccuzza duci e l’occhi brillanti,
Era na fimmina sensuali e conturbanti…

Eccu comu nu giovani allittratu,
Nnamuratu e sempri mpumatatu,
Addivinta,pazzu scatinatu,
Maluvistutu e scapiddatu…

Mi pigghiai, fulminatu, na bedda cotta.
E nun durmia cchiù ppì dda picciotta.
Addivintai duci comu nu cannuolu cà ricotta.
E scrivia poesii nchiusu ntà na suffitta…

Na sira però mi telefonò di bottu
Ccù vuci trimanti ca m’arristò un sospettu.
“ppì Roma m’accataru nù bigliettu”
Mi nnì vaiu… staiu aspittanu gia lu traghettu.

Arristai di stuccu e nun parlai
E u picchì nun ci addumannai
Nun mi lu dissi e nun l’haiu saputu mai
E di ddu iornu cuminciarunu li me guai…

Sta picciotta arristò sempri nta lu me cori
E lu ricordu di stu primu “veru amuri”
M’accumpagnò sempri ccù duluri
E continuai la me vita senza cchiù sapuri…

Sessu e amuri, dopu dda telefonata
Mi sciddicavanu comu si sciddica ntà sapunata,
E mi facianu mali, comu fa mali na timpulata,
Canciannumi ppì sempri sta vita svinturata…

Chi ci campu a fari ntà stu munnu?
Sempri tristi e scunsulatu, m’addumannu,
U picchì , u pi comi o u pi quannu ?
Mi si strinci lu cori e mi veni l’affannu…

E mentri lu cori pinava e cianceva,
La menti ccù nostalgia si ricurdava
Di quannu ci passiava, di quannu la vasava,
E di quannu e di quanto la disidirava…

E mentri lu cori e la menti stavanu mpazzennu
Ppi la vita ca si nni stàva annannu,
Lu Poeta tristi e nnamuratu stava pinsannu:
Ma esisti ancora l’amuri ntà stu Munnu ?

TRADUZIONE

AMORE SENZA AMORE

Oggi vi voglio raccontare del mio passato
Una storia d’amore che mi ha sempre tormentato.
Una storia triste di un ricordo ormai sfocato
Del mio cuore sempre innamorato…

E successo quando avevo ventanni
Quando ero giovane, spensierato e senza affanni
E credevo che i dolori erano solo per i grandi.
Fino a quando però, m’innamorai di quelle mutande…

Era bella, solare, elegante
Aveva la faccetta pulita e innocente
Una boccuccia dolce e gli occhi brillanti
Era una femmina sensuale e conturbante…

Ecco come un giovane preparato
Innamorato e sempre impomatato
Diventa, pazzo scatenato,
malvestito e scapigliato…

Mi presi, fulminato, una bella cotta.
E non dormivo più per una giovinetta,
Diventai dolce come un cannolo con la ricotta,
e scrivevo poesie rinchiuso in una soffitta…

Una sera però mi telefonò all’ improvviso
Con la voce tremante che mi restò un sospetto.
“Per Roma mi comprarono un biglietto”
Me ne vado… sto aspettando già il traghetto…

Restai di stucco e non parlai
E il perché non ci domandai,
Non me lo disse e non l’ho saputo mai
E da quel giorno cominciarono i miei guai…

Questa ragazza restò sempre nel mio cuore
E il ricordo di questo primo “vero amore”
Mi accompagnò sempre con dolore
E continuai la mia vita senza più sapore…

Sesso e Amore, dopo quella telefonata
Mi scivolavano come si scivola sulla saponata,
E mi facevano male, come fa male uno schiaffo,
Cambiandomi per sempre questa vita sventurata…

Che ci vivo a fare in questo mondo ?
Sempre triste e sconsolato, mi domando,
Il perché, il per come o il per quando ?
Mi si stringe il cuore e mi viene l’affanno…

E mentre il cuore penava e piangeva,
la mente con nostalgia si ricordava
di quando ci passeggiava, di quando la baciava,
E di quando e di quanto la desiderava…

E mentre il cuore e la mente stavano impazzendo
Per la vita che se ne stava andando,
Il Poeta triste e innamorato stava pensando :
Ma esiste ancora l’amore in questo Mondo ?

TOTO' MIGLIORE