L'AMURI ETERNU da TOTO' Migliore

L'AMURI ETERNU (credo che non ci sia bisogno di traduzione)

Passanu l’anni , li misi e li iorna

Passanu l’uri , li minuti e li secunni

E l’omu sempri……. ccù lu tempu si ‘nnì và.

Passanu li guai, li dulura e li tribulazioni

Passanu li peni,li malatiì e li dispirazioni

E l’omu sempri …….. ccù la morti ntà lu cori si ‘nnì và.

Passanu l’amicizia e l’amuri

Passanu la paci e la fratellanza

E l’omu sempri ……. ccù la guerra nta lu cori si ‘nnì và.

Passanu l’acqua, lu vientu e li tempesti

Passanu la nivi, lu friddu e lu gelu

E l’omu sempri …….. ccù la negghia ntà lu cori si ‘nnì và.

E lu poeta

Ccù la morti,

Ccù la guerra,

Ccù la negghia nta lu cori,

ccù lu tiempu ppì sempri sinnì va………

Ma vi lassa sta poesia

Chi parla di dulura, di guai e di dispirazioni……..

Chi parla di vientu, di nivi e di timpesti …….

Chi parla di guerri, malatiì e di peni……

Vi lassa e si ‘nnì và ………..

Ntà dda strata celesti di la fantasia

Ppì parlari sulu ; di stiddi, di suli, di luna ,

Di paci ,di fratellanza e d’amuri…….

Vi lassa e si ‘nni và……..

Ntà dda strata fatta di cielu e di stiddi.

E vi lassa sta poesia ppì nun scurdarla mai

Comu lu primu amuri cà resta ppì sempri ntà lu cori……..

TOTO'